رمضان مع الشباب و البنات

السلام عليكم يا أعضاء المنتدى

ان شاء الله تكونوا بخير

و نقولكم رمضانكم كريم و كل عام يا لبنات و انتوما خدامين في الكوزينة

يا لبنات راه جاكم رمضان و بمعنى تسكنوا فالكوزينة

كيفاش رايحين تصوموا يا عيني عليكم

مادمت انا تاني طفلة رايحا نحكي بصفة المتكلم الجمع

نقول للشباب كيفاش نصوموا ، ماشاء الله علينا

الصباح كي نوضوع نفرزوا الدار + التسياق + اذا كاين القش نغسلوه ......
و ماتقولوليش كاينا الماشينة و ماعلاباليش واش ........ الحمد لله الشي هدا منديروش انا

ياو اللي عندها خوها كبير ايا بيان معنديش خويا كبير في رمضان يحسب روحوا في الفندق منين تروحي تلقاي حوايجو مرميين و انت ارفدي و اسكتي يا لطيف ربي يعاونكم

تزيد تخلص تدخل للكوزينة و ديري هادي و هادي و هادي و على الاقل كي يوصل وقت المغرب لازم يكونوا 3 اطباق فالمائدة انا يلحق المغرب نقول ماما واشنو لفطور ، الله الله شكون اللي طيبهم اكيد الطفلة انتوما يعني ههه
المهم يوصل عليها المغرب و هي فالكوزينة

و سيد الشباب سلطان زمانه راقد حتى 11:00 ولا 12:00 و مبعد ينوض هاو فالتيليفيزيون ، فالميكرو[url=http://www.alhnuf.com/imgcache/2/6151alhnuf.gif] حسبتك تحكي عليا [/url] و يزيد يخرج مع صحابو [url=http://www.alhnuf.com/imgcache/2/6156alhnuf.gif][/url]و اللي قلقوا خلات عليه [url=http://www.alhnuf.com/imgcache/2/6155alhnuf.gif][/url]و الحاجة اللي حبها هو يأمر و كاين اللي يلبي الطلبات [url=http://www.alhnuf.com/imgcache/2/6168alhnuf.gif][/url]

و درك جاء وقت الفطور
يبدا جيبي الماء جيبي الكسرة و كي يشبع بصحتوا يبدا التعليق هادي راهي مسوسة و هادي مالحة و هادي ماشي طايبة مليح ويزيد يشرط
ايه ماعليش خويا لعزيز المرة الجاية نذوق الاكل راك غير انت اللي صايم فالدار ما شاء الله عليك

و يخلص الفطور بصحتو ، نوضي يا لالة هزي الطابلة و اغسلي لماعن و اللسي خونا لعزيزيقعد هادي ساعات نديرها براحتو يتفرج واش يحب ( سلطان زمانو )

و يزيد يخرج يشم شوية هواء مسكين نهار كامل و هو فالتعب ايه حتى غاضني

و هي مسكينة راهي علابالها لماعن يستناو فيها ربي يعينها عليهم [url=http://www.alhnuf.com/imgcache/2/6163alhnuf.gif][/url]

يا خاوتنا لعزاز و يا شباب المستقبل يعني حنا لبنات مانغيضوكمش ماتقولوش عندنا اخت مسكينة نهار كامل و هي واقفا نقوللها و لو كلمة طيبة ترفعلها المعنويات ولا تعرفو غير نفسي نفسي انتوما السلاطين و نحن الخادمات